هل لديك الجرأة للإجابة على هذه الأسئله؟؟

1_ هل تعمدت الكذب في حياتك.....

اه تعمدت الكذب اكيد فى مواقف كتير ومش هكذب واقول عمرى مكذبت ابداا والكلام ده لان اانا هتكلم بصراحة جداا مواقف من الصعب ان انا اخرج منها لا لو كذبت او حاجه غلط عملتها وكذبت وقولت مش عملتها بس ده كان كتير وانا صغير دلوقتى قلت الحكاية دى لان الخوف بيولد الكذب واكيد كلنا كنا بنكذب ساعات واحنا صغيرين عادى يعنى بس وانا كبير اه اتعمدت اكذب لكن فى مواقف قليله اوى يعنى لان انا بحب الصراحة اوى وناس كتير زعلت منى علشان الصراحة دى بس انا مش ندمت ابداا انى كنت صريح ومش كذبت عليهم
2_هل تحب المظاهر .....

لا خالص ومش بحب بتوع المظاهر خالص وببقى كارههم على الاخر لان انا مش عارف هم بيتكبرو على ايه كل حاجه فانية ويوم القيامة الملك هيتساوى بالفقير يبقى يتمظهر ليه بقه حلوه يتمظهر دى صح
3_هل تحب الصداقات ...

اه بحب الصداقات اوى بس للاسف مش عاد اصدقاء اوفياء كتير كله يلا مصلحتى وبس وتيجى تقوله ليه كده يقولك يا عم السنة دى ومش عارف ايه تحديد مستقبل وكده وانا بس وكده طب وايه اللى يمنع انه يبقى صاحب بجد ويشوف مصلحته كمان هيخسر حاجه لا والله ده هيكسب حب صاحبه اكتر من الاول بس للاسف مش عاد فى اصحاب كده الا قليل والحمد لله ان ربنا اعطانى منهم حتى لو كانو قليلين


4_ هل تندم على شيئ فعلته في حياتك وما هو ...........؟؟

اكيد اندم واندم اوندم واندم انى دخلت منتدى الجمالية الثانوية بنات انا اسف انى قولت كده بس انا جالى مشاكل من المنتدى ده بعدد شعر راسى علشان كده انا عدت بخش عليه علشان المشاكل اللى جت منه زعلتنى انى اسيبه بعد مواجهة كل المشاكل دى

5_ تعرضت للخيانه ...ممن تحب اي كان صديق او اخ او اى شخص اخر فى حياتك ..؟؟

الحمد لله لسه مش اتعرضت ويارب متعرض ابداااااااااااااااا
6_ هل خنت يوما من تحب اي كان صديق او اخ او اى شخص اخر فى حياتك ..؟؟

الحمد لله عمرى معملت كده لان الحاجه اللى مش احب حد يعملها فيا مش احب اعملها فى حد بس انا كان نفسى اعرف مفهوم الخيانى ده معناه ايه بمنظور ايه يعنى .؟
7_ هل سبق لك أيها الشاب ان ازعجت أو حاولت ان تلفت انظار "البنات" باي شكل من الأشكال...

ازعجت لا والله خالص حاولت الفت نظر معتقدش الحمد لله انا فى النحية دى بالذات معروف انى عمرى محاولت اعمل كده هى مش لفت نظر ولا حاجه ممكن اكون عملت كده فى درس مجموعه مشتركه مثلاا برد بيها على حاجه بنت عملتها لكن انى الفت نظر بنت معتقدش ابدااا وعمرى معمل كده

و أنتي إيتها الفتاة هل سبق لك وأن حاولتي أن تلفتي أنظار أحد من" الشباب " بحركاتك أو بأسلوب به نوع من الجذب والحركات ...

ده ليكو انتو مش ليا بقه
8_ هدفك من دخول المنتدى ...

هدف علشان ادخل المنتدى مش هدف والله انا بالحظ وانا فى المنتدى بتاع الثانوية بنات لقيت فى موضوع لزهرة المدائن فى المعلومات بتاعتها اللى هى تحت الاسم الموقع ولقيت اسم الموقع قولت يمكن تكون دى دعوه عامه للاعضا ء هناك لدخول المنتدى ودخلت واستاذنت الاول قبل مشارك باى مشاركه علشان ابقى عملت اللى عليا والحمد لله حصلت على الموفقه
9_ حصلت على هذا الهدف ...

مهو مفيش هدف بقه يبقى مش حصلت على اهداف
10_ هدفك في الحياه ....اذكره

هدفى انى ادخل كلية حلوه ادعولى بقه ويارب انتو كمان وكل اعضاء المنتدى واكون انسان صالح وده طبعاا فى المقام الاول علشان ادخل الجنة يارب اوعدنا بيها
11_ وقت الفراغ اين تذهب أو بماذا تقضيه ..

كنت بضيعه انى كنت بخرج اتفرج على الدورة الرمضانية وكده بس خلصت بقيت بقعد على الكمبيوتر اشارك بردود طويلة زى ردى ده فى منتدى انيميات وكده وبقرا قران برده فى وقت الفراغ الحمد لله
12 _ يوم في حياتك .. تتمنى أن يعود ...... ... ولماذا ....

يوم فى حياتى اتمنى انه يرجع ممممممممم والله فكرت كتير بس مش لاقى عندى يوم واحد حلو اتمنى انه يرجه يمكن ايام الصيف زمان كانت ايام حلوه اوى وكده يمكن هى دى الايام اللى بشتاق اليها

13 _ هل بينك وبين أحد من أعضاء المنتدى صداقه قويه؟ومن هو؟

المنتدى كله بنات علشان كده مش ليا اى صداقة قوية مع اى حد فى المنتدى كل اللى بينى وبينهم الاحترام واظن ان ده كافى

شكرا لك على الاجابه والرد الحلو والتفاعل
على فكره انا كنت حاطه اسم المنتدى علشان يتكتب جنب بياناتى الموقع اشمعنى الباقين يعنى مكتوب جنب اسمهم
هههههههههههههههههههههههههههههههههههههه
نورت الصفحه

اخيرا حد بيدخل ويرد ويتفاعل كده

أسئلة حلوة يا زهورة وكمان أنا بأحب الاسئلة اللي من النوع ده لكن للأسف كتير ومش هأقدر أجاوبهم كلهم دلوقتي

لكن أوعدك إن شاء الله كمان 3 شهور وحوالي 11 يوم كده ولا حاجة ابقي فكريني وأنا أكملهم

_ هل تعمدت الكذب في حياتك.....لكي لا أدعي المثالية بالتأكيد أنا كذبت كتير قبل كده بصرف النظر عن طريقة الكذب يعني أحيانا يكون مجرد تحريف بسيط وأحيانا يكون كذب..
يعني أنا أذكر الموقف اللي أنا حكيت لكم عليه يا زهرة بتاع ا. جمال مش معقولة أروح أقوله أنا كنت غايبة علشان نسيت نفسي وانا قاعدة ع الكمبيوتر ومذاكرتش اضطريت أقوله إني كنت تعبانة مع إني كنت ناوية أقوله بس مقدرتش ونويت أقوله بعدها والله بس مجاتش فرصة ممكن أقوله السنة الجاية ان شاء الله ههههههههههههههه

2_هل تحب المظاهر .....أي مظاهر بالظبط؟؟ الرسول صلي الله عليه وسلم لما سأله رجل: يا رسول الله إن الرجل يحب أن يكون ثوبه حسن ونعله حسن " هذا رغبة جبلية ، فقال رسول الله : إن الله جميل يحب الجمال أقصد اهتمام الإنسان بمظهره بالتأكيد مهم مع عدم التكلف
أما إذا كان المقصود الحكم علي الأشخاص بمظهرهم لو تقصدي كده؟؟ فأكيد لا طبعا رغم إن المظهر قد يؤثر بعض الشيء لأنه أوضح من الجوهر لكن بالتأكيد بمجرد ما تتكلمي مع الشخص بيبان طبيعته عاملة ازاي
اعذريني إذا كنت مش فاهمة السؤال وأرجو المزيد من التوضيح

كفاية كده بقي مش هأقدر أكمل دلوقتي
وموضوعك حلو جدا وهأديكي تقييم كمان ياستي

شكرا لكم على الردود
وانا بجد فخوره ومبسوطه جدا يا سمراء انك صديقتى

اخيرا شفناكى يا محبه لولولولولولولولى
ههههههههههههههههههههههههههههههه
بقولك المقصود بالظاهر هنا ان الانسان زى ما تقولى كده ينافق او مش يتصرف على طبيعته ويتمنظر