أولا بأشكرك يانور علي موضوعك
ولي الشرف إني أكون أول واحدة ترد فيه
ثانيا طبعا أنا ضد إننا نصدق كل حاجة
لأن الدنيا مليانة إشاعات وغيره وغيره.. وعلشان كده مينفعش إننا نصدق كل حاجة..
وفي نفس الوقت مينفعش إننا نكذب كل حاجة لأن كده أنا مش هأحس بالأمان خالص..
وهأحس إن الواقع بقي سخيف لدرجة إني مش هأقدر أعيش فيه
علشان كده خير الأمور الوسط
الإنسان لازم يفكر في كل حاجة تتعرض عليه
فيه حاجات بتكون قابلة للتصديق أكثر منها للتكذيب ودي بنصدقها بسرعة
وفيه حاجات بتكون قابلة للتكذيب أكثر منها للتصديق ودي العقل مش بيتقبلها بسهواة إلا بأدلة مقنعة وبراهين
وأنا شخصيا يمكن بأمشي وراء المنطق شوية يعني يمكن أكذب الأفكار اللي قدامي بشكل مؤقت لحد أما اقتنع بيها بالأدلة علشان لما أصدقها أكون واثقة منها خصوصا إني لما باقتنع بحاجة باقتنع بيها أوي وده لإني أصلا شفت الأدلة في الأول ويمكن ده سر تمسكي برأيي شوية
يعني أنا لما بيتعرض عليا معلومة
معلومة جديدة ------> نقد وتمحيص ------->تأكد من المعلومة واقتناع بالأدلة ------>التمسك بالمعلومة عند ابدائها
أو
معلومة جديدة ------> نقد وتمحيص ------->عدم الاقتناع بالأدلة ------>رفض المعلومة
ايه رأيك بقي ف المسارات دي هههههههه
مشكورة يانور علي موضوعك
وعذرا علي الإطالة
ودايما متميزة