"من هي هانا مونتانا؟" (موضوع المسابقة)

بالطبع أنتم تعرفون "هانا مونتانا " أما أنا.. فلا..
شعرت ببعض الملل فبدأت البحث عن لعبة تسليني وبالفعل وجدت لعبة ممتعة وبدأت اللعب...
وأثناء لعبي لاحظت بالأسفل إعلانات عن لعب مختلفة لـ " هانا مونتانا "..
تذكرت أني سمعت هذا الاسم من قبل ولكن لم أذكر من هي..
فوددت لو عرفت من هي " هانا مونتانا "..
فدخلت علي أحد محركات البحث وكتبت هذا السؤال " من هي هانا مونتانا ؟"
وبالطبع ظهرت لي العديد من النتائج فاخترت اجابات جوجل .. وفوجئت بما وجدت .. سأل أحدهم نفس السؤال الذي سألته أنا فأجابه 20 شخصا إجابات مطولة قد تكون تحوي سيرتها الشخصية بالكامل وكمان ملحقة بعدد كبير من صورها

طبعا أنتم أكيد زهقتم من الكلام الكتير ده
دلوقتي بقي عاوزة أسألكم هل فعلا هانا مونتانا تستحق كل الاهتمام ده

هي مجرد ممثلة اجنبية عملت مسلسل مشهور

طيب ولو قلتلكم إني لما كتبت "من هو البخاري؟" لقيت في إجابات جوجل 3 إجابات بس هتقولوا ايه؟؟ وكمان اتنين منهم شخص واحد هو اللي كاتبهم يعني شخصين بس هم اللي ردوا علي السؤال!!

ياه للدرجة دي أصبحنا متعلقين بالتفاهات لدرجة إني أشوف كمية معلومات مكتوبة عنها ماأعتقدش إننا نعرف عن نبينا صلي الله عليه وسلم مثل هذه المعلومات

وكمان مش عاوزة كلامي يكون قاصر عليها بس لأنها أقل من كده
دلوقتي لو سألت أي حد عن أحد الممثلين أو لاعبي الكرة.. ياه يحكي لك قصة حياته

ياتري نقدر نحكي قصة حياة النبي{صلي الله عليه وسلم} ؟؟

يعني لو سألتك دلوقتي النبي كان عمل ايه في غزوة كذا أو في موقف كذا هترد؟؟
ولو سألتك ماتش كذا وكذا " كان نتيجته ايه؟ " هترد؟؟

يا جماعة دي دعوة نرمي كل المخلفات اللي ملينا بيها عقلنا

ونتجه للي يفيدنا بجد

أين أنت من كتاب الله عز وجل؟؟
أين أنت من علم الحديث؟؟
أين أنت من علم العقيدة ؟؟
أين أنت من علم الفقه؟؟
أين أنت من علم السيرة؟؟
وغيرها الكثير والكثير..
فرض عليك أن تلم بأمور دينك

عرفتم بقي إحنا مقصرين قد ايه؟؟!

وأعتقد إن النت فرصة كويسة إنك تكون علي علم بجميع هذه الفروع إن لم تكن الكتب ميسرة مع التأكد من المصدر

أكيد دلوقتي إنك قررت تتعلم العلم الشرعي ولو علي الأقل الأساسيات في كل فرع..

يعني تخصص في اليوم ساعة او اتنين تعرف فيهم دينك .... ياتري كتير؟؟؟

بقلم /محبة الإيمان
منتديات سبيستونات

شكرا ليكى يا محبة والله الموضوع جميل جدا ربنا يخليكو والله
ويجعل كل كلمة كتبتيها لافادتنا فى ميزان حسناتك
وان شاء الله الواحد يخصص جزء فعلا يتثقف فيه عن دينى وع الحاجات التانيه برده بدل القت الفاضى
الى احنا بنعمله علطول ده

والله عندك حق انا فعلا كنت متعلقه بمسلسلها يعنى كحاجه بتخرجنى من جو الملل بس بعد كده لاقيتها مش تستحق الاحترام واعتقد لو اننا لاقينا حاجه تشغلنا وتخرجنا من جو الملل مكنش حد شافها اصلا
شكرا لك

العفو ياسليبنج بيوتي ربنا يعيننا ويعينك علي الخير
آمين يارب العالمين وإياكم بالمثل إن شاء الله
شكرا ليكِ علي تواجدك

فعلا يازهرة الفراغ قاتل
ولازم الواحد دائما يشغل نفسه بحاجة مفيدة قبل مانفسه تشغله بحاجات تافهة ومش مهمة
شكرا علي مرورك

بسم الله ما شاء الله
بجد يا محبه جزاكى الله كل خير وجعله فى ميزان حسناتك
فعلاً الموضوع كويس جداً الفكرة راااائعه والعرض حلو جداً
الموضوع أكثر من رائع
تسلم ايديكى

موضوعك جميل جداااااااااا محبة الايمان

مشكورة علي مرورك نور الهدي
نورتِ الموضوع

آمين يارب
العفو.. ردك هو الأروع سمرا
تسلمي.. نورتِ الموضوع