مبادئ ثورة 25 يناير

1- أنا مش هدفع رشاوى واكراميات تانى فى المرور والقسم والمصالح الحكوميه
2- مش هرمى زباله فى الشارع (يعنى لو كيس فى ايدك استنى شوى ولما تلاقى مكان للزباله ارميه مش هنتعب)
3- مش هعاكس بنات ولا حتى أغلس عليهم (طبعا للشباب فقط)
4- ابلغ جهاز حماية المستهلك لما الاقى حد بيبع غالى( 19588)
5- مش هبقى سلبيه وهقول لاى حد بيعمل غلط فى وشه انه غلط
6- هقدم بلاغ ضد أى تعديات لرجال الشرطه حتى لو كان ظابط سايق عربيه شرطه وماشى عكس الاتجاه الصحيح
7- هافتخر ببلدى قدام الاجانب مش هستعر منها وهقول انها احسن بلد
8- هتطوع انى اساعد الناس اللى محتاجه مساعده
9- هعامل الناس باحترام وهقدر ظروفهم واحتياجاتهم
10- مش هيبقى فى حد احسن من حد وهنعامل بعض بالتساوى الغنى زى الفقير
11- هعرف حقوقى وواجباتى القانونيه فى مصر علشان محدش يتعدى على حقى أو اعتدى على حق حد

ياريت كلنا نتعاهد على كده

1- المشكلة ان احيانا الواحد بيكون من حقه حاجة وبيكون صعب إنه يأخذها فيضطر يدفع شوة أو ما شابه
وأعتقد هنا الإثم يقع علي اللي بياخد بس..

2-بس مش دايما بيكون فيه باسكيت ف الشارع.. لو فيه ممكن الواحد يتشجع شوية

3-علي فكرة مش للشباب فقط ولا حاجة والله دلوقتي فيه بنات بتعاكس بنات بل فيه بنات بتعاكس الولاد ههههههههههه لا حول ولا قوة إلا بالله

والباقي ياريت كلنا نلتزم بيه

ديننا وصانا بالأهل والجار والصديق وكله والهدف من ده حسن المعاملة

لازم ننمي الأخوة بيننا وأساعد الناس علي قد ماأقدر

ربنا يوفقنا للخير حيث كان

مشكورة زهرة علي الموضوع الرائع

بالنسبه للرشوه احنا بقينا نلجا ليها ونريح دماغنا خالص علشان مش نتعب وبعدين دلوقتى غير قل كده باذن الله
اما بالنسبه للباسكت امسكيها شويه حتى لو كتار لغايه لما تلاقى مكان فيه زباله كتير البلديه بتيجى وتشيله
احيانا لما مش بلاقى باخد الورق اللى معاى لغايه البيت ونريمها مع الزباله
البنات بتعاكس اننا لله وانا اليه راجعون