شعر عن ثورتنا

تلاتين سنه شايل على قلبى هموم
مبطلعهاش وصوتى جواى مكتوم

شلت الهم والغم واتكتب على الصوم
اتكتب على اتعالج بدوى مسموم

اتكتب على الفقر والذل كل يوم
وانى اعيش للاسف فى وطن مهزوم

عينى مبتعرفش تدوق النوم
لان غيرى ظالم وانا دايما مظلوم

لانى فقير مليش سلطه ولا نفوذ
والفقير فى بلدنا بيداس بالصروم

نزلت قلت بعلو الصوت فى الميدان
لا معتدتش ابدا تانى هتهان

هيرجع حقى لى مهما طال الزمان
وهيرجع وطنى وطن الاوطان

تتغنى بحضارته كل البلدان
من امريكا لإستراليا لليابان

فجأه لقيت الميدان بالرجاله مليان
رحاله رجعوا الامل والامن والامان

رسموا مستقبل بكره وبعد بكره كمان
رسموا مستقبل مفهوش ذل وهوان

قالت رجالتنا يا مبارك يا جبان
يا عميل الامريكان هنحكمك مهما كان

جاب بلطجيه ماجورين من كل مكان
مالسجون مالشوارع دسوهم فى الميدان

زاده شده المظاهرة وحده الالتحام
فضلنا فى الميدان لان القلوب عمرانه بالايمان

ايمان ان الحريه باغلى الاتمان
وعندى اموت بكرامه ولا اعيش متهان

قال البلطجيه اضربنا بالخناجر والسهام
وشفنا من العذاب الوان والوان

طلع الجبان قال هنغير النظام
وهغير الدستور وهحط سليمان

مش فاهم ولا عامل عبيط يا مبارك يا غتيت
اطلع بالذوق لنجيلك لحد البيت

اخرج بالذوق بعد كده هتلوص
ومش هينفعك الحراميه واللصوص

اخرج بسرعه مستعجلش قضاك
اخرج قبل ما يجيبك الشعب من قفاك

شعر جميل جداا تسلمى عليه

شكرا لك على الرد

شكرا لك على الرد
نورتى الموضوع

جميل يا زهرة
ده من تأليفك ولا ايه؟؟
علي العموم مشكورة علي الموضوع
دايما متميزة

شكرا ليكى يا زهرة الشعر جميل جددا
لا ياستى اكيد مش زهرة يعنى
هههههههههههههههههههههههه

ههههههههههههههههههههههههههههههه
والله حلو
لا يا جماعه أنا حساه من تأليف زهرة لأنه شبه اسلوبها
بس يا زهرة يا ندله مش ورتيهولى الأول ليه
بس حلو برده

انا اللى كتباه والله
وعندى الورق فى البيت
وعلى فكرة انا ورتهولك قبل كده وقرئتيه يا زهيمر

مبروك علي عودة النت يازهرة ((بلاش مبارك ))ههههههههههههه
زي ما أنا قلت مع إني مش قرأت ليكِ أشعار قبل كده بس ماشاء الله حلو يازهرة

ايوه مبارك ده خسارة فيه اسمه
ههههههههههههههههه ايوه رجع كنت مستنياه بفارغ الصبر ههههههههه
شكرا على المجامله القريقه دى